吳建豪捨薪取義感動李仁港 (東方日報 2010/02/05)
擅長找東南亞演員合作的李仁港，雖然執導作品不多，但已先後跟常盤貴子、Maggie Q等具分量演員交手，講到最難忘的，他即大讚當年冒起的吳建豪，竟願意扣減片酬讓劇組渡難關，令其大為感動。
曾於加拿大修讀視覺藝術，但卻對電影有情意結，加上喜愛武術，所以在1994年處男下海執導演筒，重拍了大導演張徹的經典作品《九四獨臂刀之情》，其後他又拍《星月童話》、《少年阿虎》、《猛龍》及《三國之見龍卸甲》等，雖然作品不多，但李仁港卻抱着貴精不貴多精神，拍出讓觀眾留下印象的作品。
新一代欠衝勁
回憶導演生涯難忘事，李仁港透露當年《少年阿虎》於北京進行後期製作，適逢F4成員之一吳建豪也在當地宣傳，縱使忙極仍抽空為劇組作配音修補，李仁港謂：「當時我仲同佢講有問題就要再補，其實佢趕住離開，同埋F4都紅咗好多嘢做！但佢叫我唔使擔心，話會全力配合，佢仲知道套戲資金唔多，願意錢由佢片酬度扣，認真夠義氣。」從吳建豪身上，令李仁港不禁慨嘆本地新一代的「依然故我」性格：「依家最Top嘅係梁朝偉、周潤發，其實後繼無人，不過班後生唔去爭取，有潛質嘅又唔珍惜機會。」
【只截取V相关部分】
